काठमाडौं । गायिका रचना रिमालले पूर्वकप्तान पारस खड्काप्रति सार्वजनिक रूपमा प्रशंसा व्यक्त गरेकी छन्। क्रिकेट तथा खेलकुद क्षेत्रमा पारसले पुर्‍याएको योगदानका कारण आफू गहिरो रूपमा प्रभावित भएको रचनाले बताइन्।

रातोपाटीलाई दिएको अभिव्यक्तिमा रचनाले भनिन्,
“सही ठाउँमा सही व्यक्ति पुग्दा कस्तो प्रभाव पर्छ भन्ने कुराको उदाहरण हुनुहुन्छ पारस दाइ।”

उनको भनाइले पारसले देशको क्रिकेटलाई अन्तर्राष्ट्रिय पहिचान दिलाउन खेलेको भूमिकालाई पुनः स्मरण गराएको छ।

नेपाल क्रिकेट टोलीलाई अगाडि बढाउने क्रममा पारसले देखाएको नेतृत्व क्षमता, खेलाडी प्रवर्द्धनका लागि गरेका प्रयास र अन्तर्राष्ट्रिय स्तरमा गरेका ऐतिहासिक उपलब्धिलाई रचना रिमालले ‘देशले दीर्घकालसम्म सम्झने योगदान’ भन्दै प्रशंसा गरेकी हुन्।

नेपालमा क्रिकेटको संरचना, लोकप्रियता र प्रशंसकहरूको विश्वास बृद्धि गर्न पारसको उपस्थितिले ठूलो असर पारेको रचनाले बताइन्।

उनले थपिन्,
“पारस दाइले आफू बस्ने ठाउँ, जिम्मेवारी र लक्ष्य कति महत्वपूर्ण हुन्छ भन्ने कुरा प्रमाणित गर्नुभएको छ।”

हाल पारस खड्का राष्ट्रिय खेलकुद परिषद् (राखेप) का उपाध्यक्षका रूपमा कार्यरत छन्। देशभरको खेलकुद संरचना सुधार, प्रशिक्षण प्रणाली व्यवस्थित गर्ने र अन्तर्राष्ट्रिय प्रतिस्पर्धामा नेपालको उपस्थिति बढाउने काममा पारस सक्रिय छन्।

रचनाले पारसको यो भूमिकालाई पनि ‘देश विकासतर्फ जान सकिने ऊर्जाको उदाहरण’ भन्दै सराहना गरेकी छिन्।

रचना रिमाल भन्छिन्: “सही ठाउँमा सही व्यक्ति पुग्दा कति ठूलो प्रभाव पर्छ भन्ने उदाहरण हुन् हाम्रा पारस दाई। नेपाली क्रिकेटलाई नयाँ उचाइमा पुर्‍याउन उहाँको योगदान अविस्मरणीय छ । खेलाडीको रूपमा प्रत्यक्ष हेर्ने मौका नपाए पनि उहाँको मेहनत र समर्पण सधैं प्रेरणादायी लाग्छ।”

एक दिग्गज, एक प्रेरणा — पारस खड्का। 🇳🇵❤️